ضحيةّ غياب ..!!
مانـي بقايـل ويـن ودي أوديـك .!
تعرف بقلبـي منزلتّـك ومكانتـك .!
قلّي عن دروبك عسـى الله يعافيـك
قليّ علـى وجهتّـك وأدلّ وجهتـك.!
من عقب ماني ساكنٍ فـي اراضيـك
اليوم عايش بيـن نـاركّ وجبهتّـك.!
اذكر صدى صوتك وهمسة حكاويـك
يـوم الليالـي جمعتـنّـا وحبـتّـك
ويومي أقول: إشفيك ..وتقول وش فيك
تدمع عيوني يـوم الأيـام جابتّـك .!
وأذكر لقانا يـوم تعلـن مساريـك.!
إلا انتهى ليل اللقـاء زدتّ زعلتـك.!
وأذكر زعلّك ودمـع عينـك ومافيـك
لازادت إدموعـك طرتلـك بدايـتـك
تزعلّ عليّ وتبتسـم لـي واراضيـك
واقول في نفسي: ياحيّ إبتسامتـك .!
تقول تذكر: يوم أجـي لـك واحيييـكّ
والليـل ماحشّـم مجييّـك وجيتّـك.!
وأنـا اقـول الله يديـمـك يخلـيـك
لعيون رجعتّ ناظرينـك ورجعتّـك .!
سؤال في ذهني من البعـد يرجيـك.!
ليـه المشاعـر لاتغيّبـت نـادتـكّ.!
وليه الحروف إن غبت قامت تحاكيـك
وحروف شعري في غيابـك تغنتـك.!
تعال شفني لامن إن جيـت اناديـك.!
أتمتم إسمك من غـلاك وفخامتّـك.!
وتعال قلـي ويـن ربـي مخبيـك.!
وألا بموت وسجلّ إسمـي ضحيّتـك.
الأحد أبريل 13, 2008 5:35 am
